သော့ချက်စာလုံး Slaughter

နေသန်အောလ်ဂရင်း ဟာအင်းဒီးယန်းစစ်ပွဲမှာပါဝင်တိုက်ခိုက်ခဲ့တဲ့အမေရိကန်မြင်းတပ်ရဲ့ကပ္ပတိန်ဖြစ်ပါတယ်။ စစ်ပွဲမှာတုန်းကသူ့အထက်အရာရှိရဲ့အမိန့်ကြောင့်လုပ်ခဲ့မိတဲ့အမှားတွေအတွက်စိတ်ဒဏ်ရာရပြီးအရက်သမားဖြစ်နေသူပါ။အောလ်ဂရင်းဟာအထက်အရာရှိဟောင်းနဲ့ပြန်တွေ့ပြီး ဂျပန်ပြည်ကိုသွားရမယ့်အလုပ်တစ်ခုကမ်းလှမ်းခြင်းခံရပါတယ်။ဂျပန်ဘုရင်ဟာဂျပန်ပြည်ကိုခေတ်မီတိုးတက်အောင်ပြောင်းလဲနေပေမယ့်ဆာမူရိုင်းလမ်းစဥ်ကိုလိုက်နာသူတွေဟာအတားဆီးဖြစ်နေတာမို့သူတို့ကိုခြေမှုန်းမယ့်ဂျပန်အင်ပါယာတပ်ကို အောလ်ဂရင်းက လေ့ကျင့်ပေးရမှာဖြစ်ပါတယ်။အောလ်ဂရင်းကပ္ပတိန်အဖြစ်ဦးဆောင်တဲ့စစ်တပ်ဟာဆာမူရိုင်းတွေကိုသွားတိုက်ရာကနေအရေးနိမ့်သွားပြီးအောလ်ဂရင်းကိုဆာမူရိုင်းတပ်က ဖမ်းသွားပါတယ်။အောလ်ဂရင်းဟာ ဆာမူရိုင်းတွေရဲ့ရွာမှာလပေါင်းများစွာနေထိုင်ခဲ့ပြီးနောက်သူတို့ဓလေ့ရဲ့စည်းစနစ်ကျပုံ၊ငြိမ်းချမ်းပုံတို့ကို နှစ်သက်မိသွားတဲ့အခါအောလ်ဂရင်းအနေနဲ့ ဘယ်သူတွေဘက်မှာရပ်တည်သင့်လဲဆုံးဖြတ်ချိန်ကျရောက်လာပါတော့တယ်

Scream 2 ဟာ scream ထွက်ပြီး ၁ နှစ်တောင်မကြာသေးဘူး ထွက်လာခဲ့တာပါ။ ပထမကားရုံမတင်ခင်ကတည်း ရိုက်ကူးရေးကို စတင်ခဲ့လို့ပဲဖြစ်ပါတယ်။ ဒီကားက မူရင်းကားလောက် အကြီးအကျယ်အောင်မြင်မှုမရပေမယ့် Horror, Mystery ကားတစ်ကားအနေနဲ့ကြည့်ရင် တော်တော်လေးကြည့်ကောင်းတဲ့ စာရင်းထဲ ဝင်နေတုန်းပါပဲ။ Scream saga ထဲမှာတော့ ကြည့်ကောင်းတဲ့ ကြည့်သင့်တဲ့ ကားတစ်ကားပါ ဒီကားကတော့ ပထမကားအပြီး ၂ နှစ်အကြာမှာ နေရာယူထားပါတယ်။ သရဲမျက်နှာ လူသတ်သမားဆီကနေ လွတ်လာတဲ့ ဆစ်ဒနေလေးဟာ အခုတော့ တက္ကသိုလ်ရောက်သွားပါပြီ။ သူရဲမျက်နှာလူသတ်မှုအကြောင်းကိုလည်း ရုပ်ရှင်ပြန်ရိုက်ပြီး ရုံတောင်တင်နေပါပြီ။ အတိတ်က အဖြစ်ဆိုးကြီးက ပြီးဆုံးသွားပြီလို့ ထင်နေတုန်းမှာပဲ ကံမဆိုးမသွားရာ မိုးလိုက်လို့ရွာဆိုသလို သရဲမျက်နှာကွင်းဆက်လူသတ်မှုတွေ ထပ်ဖြစ်ပါတော့တယ်။ ဒီတစ်ခါရော သရဲမျက်နှာ လူသတ်သမားတွေ ဘယ်သူတွေများဖြစ်မလဲ?

ဒီကားဟာ ပထမကထွက်ရှိခဲ့တဲ့ Wolf Creek ရဲ့ ဒုတိယမြောက် ထွက်ရှိလာတဲ့ ဇာတ်ကားဖြစ်ပါတယ်။ Wolf Creek ကြည့်ဖူးတဲ့သူတွေအတွက်ထွေထွေ ထူးထူး ပြောစရာမလိုပေမယ့်မကြည့်ဖူးသေးတဲ့သူတွေအတွက်ပြောရရင် ဒီဇာတ်ကားဟာ ဩစတြေးလျနိုင်ငံမှာဖြစ်ခဲ့တဲ့ တကယ့်အဖြစ်အပျက်ကိုရိုက်ကူးထားတဲ့ဇာတ်ကားတစ်ကားဖြစ်ပါတယ်။ဩစတြေးလျနိုင်ငံမှာဆိုရင် နှစ်စဉ်လူပျောက်တိုင်ကြားမှု၃သောင်းလောက်ရှိတတ်ပါတယ်။ ကိုးဆယ်ရာခိုင်နှုန်းသောလူတွေကိုတော့ ပြန်တွေ့ပေမယ့် တချို့တွေကိုတော့သတင်းအစအနတောင် ပြန်မရခဲ့ကြဘဲ ပျောက်ဆုံးသွားခဲ့ပါတယ်။ဒီဇာတ်ကားမှာတော့ ဩစတြေးလျနိုင်ငံ ဝုဗ်ခရိခ် ဒေသကိုအလည်လာခဲ့တဲ့ ဂျာမနီလူမျိုးစုံတွဲတစ်တွဲနဲ့ အင်္ဂလိပ်လူမျိုးယောက်ျားတစ်ယောက်က အဲဒီဒေသနားက ထူးဆန်းတဲ့လူတစ်ယောက်ဖမ်းဆီးတာကိုခံခဲ့ရတဲ့အတွက် သူတို့တွေ ဘယ်လိုမျိုးလွတ်မြောက်အောင်ကြိုးစားကြမလဲဆိုတာကို ရိုက်ကူးထားတာလည်းဖြစ်ပါတယ်။ပထမ Wolf Creek ဇာတ်ကားလိုပဲ သွေးထွက်သံယိုတွေ၊သတ်ဖြတ်တာတွေ ပါတာကြောင့် horror/thriller ကြိုက်တဲ့သူတွေအနေနဲ့ပထမကားရော အခုကားကိုပါကြည့်ဖို့ တိုက်တွန်းလိုက်ပါတယ်။

ဒီကားကတော့ မင်းသားကြီး Tommy Lee Jones နဲ့ Benecio del Toro တို့အဓိက ပါဝင်သရုပ်ဆောင်ထားတဲ့ ကားဖြစ်ပါတယ်။ခြေရာခံကျွမ်းကျင် ဆရာကြီး Bonham(Tommy Lee Jones) ဟာ FBI နဲ့ ပေါင်းပြီး သူ့ရဲ့ အတော်ဆုံး တပည့် ဖြစ်သူ ကို လိုက်လံ ဖမ်းဆီးရမယ့်စိတ်လှုပ်ရှားစရာ Action/Thriller genre ပါ။The Exorcist တို့ Cruising တို့ကို ရိုက်ကူးခဲ့တဲ့ ဒါရိုက်တာကြီးWilliam Friedkin ရိုက်ကူးထားတဲ့ ကားကောင်းတစ်ကားပဲ ဖြစ်တာကြောင့်ကားဟောင်းထဲကမှ အက်ရှင်ကားကောင်းကောင်းကို ကြည့်ချင်တယ်ဆိုရင်တော့ဒီကားက ကြည့်သင့်တဲ့ ရုပ်ရှင်ကောင်းတစ်ကားပါ။ရှုပ်ရှုပ်ထွေးထွေးဇာတ်လမ်း မဟုတ်ဘဲ ကြည့်ရင်းနဲ့မှ စိတ်လှုပ်ရှားရမယ့်ကားဖြစ်တာမို့ ကိုယ်တိုင်ပဲ ကြည့်ရှုခံစားလိုက်ဖို့ တိုက်တွန်းချင်ပါတယ်။

Guts, a wandering mercenary, joins the Band of the Hawk after being defeated in a duel by Griffith, the group's leader and founder. Together, they dominate every battle, but something menacing lurks in the shadows.