သော့ချက်စာလုံး Gun Battle

ဒီတစ်ခါကတော့ အမေရိက မှောင်ခိုဈေးကွက်မှာ အကြီးအကျယ် လုပ်ပိုင်ခွင့်ရထားတဲ့ တောင်အမေရိက မူးယစ်ဆေး တင်ပို့ရောင်းချသူ ရာမွန်ကိုတာကို ဖျက်ဆီးပစ်ရမယ့် မစ်ရှင်ဖြစ်ပါတယ်။နာမည်ဆိုးနဲ့ ကျော်ကြားလှတဲ့ ဆန်ကားလို့စ်နိုင်ငံက ကိုကိန်းဘုရင် ရာမွန်ကိုတာဟာ ​Chuck Norris (ကာနယ် မက်ကွိုင်း) ရဲ့ Delta Force တွဲဖက်အပြင် အမေရိကရဲ့ မူးယစ်ဆေးဝါး အေးဂျင့်အဖွဲ့ကို ဖမ်းထားပြီး သူ့အိမ်မှာ အကျဉ်းချထားတာပါ။ အဲဒါနဲ့ပဲ Delta Force ဟာ ကိုတာရဲ့ အင်အားကြီးမားတဲ့ ကိုကိန်းအင်ပါယာကြီးကို ရင်ဆိုင်တိုက်ခိုက်ရဖို့ ဖြစ်လာပါတယ်။ မက်ကွိုင်းနဲ့ သူ့ရဲ့ Delta Force ဟာ လျှပ်စီးလို အရှိန်အဟုန်နဲ့ တရားလွန် စိတ်လှူပ်ရှားစရာကောင်းတဲ့ စွန့်စားခန်းထဲမှာ ဓားစာခံတွေကို ကယ်တင်ပြီး အညှာအတာကင်းမဲ့တဲ့ ရာဇဝတ်သား အကောင်ကြီးကြီးကို ဖျက်ဆီးပစ်ဖို့အရေး ပြင်းထန်လှတဲ့ Final Battle ကို ဘယ်လိုဆင်နွှဲမလဲဆိုတာ ရင်သိမ့်တုန် ကြည့်ရှုခံစားရမှာ ဖြစ်ပါတယ်။