သော့ချက်စာလုံး Hitchhiking

Leave no trace ရုပ်ရှင်ဟာဆုပေါင်းများစွာသိမ်းပိုက်ထားပြီး rotten tomatoes rating 100% အထိရရှိထားတဲ့ ဇာတ်ကားတစ်ခုဖြစ်ပါတယ် ပန်းခြံတစ်ခုရဲ့ တောအုပ်ထဲမှာ သားအဖနှစ်ယောက် သီးသန့်နေနေရာမှ မထင်မှတ်ထားတဲ့ အမှားတစ်ခုကြောင့် တောခေါင်းတွေ ဖမ်းဆီးတာခံလိုက်ရပြီး လူမှုဖူလုံရေးအဖွဲ့ဆီကို ရောက်ရှိသွားပါတော့တယ်။ လူမှုဖူလုံရေးအဖွဲ့က နေရာအသစ်တစ်ခုမှာ အခြေကျဖို့ စီစဉ်ပေးသောအခါ စိတ်ရောဂါဝေဒနာခံစားနေရတဲ့ ဖခင်ဖြစ်သူက နေရာအသစ်မှာ နေထိုင်ရတာ အဆင်မပြေ ဖြစ်လာပါတယ်။ ထို့ကြောင့် သမီးဖြစ်သူကိုခေါ်ကာ သားအဖနှစ်ယောက်နေရာအသစ်ကနေ ထွက်ပြေးဖို့ကြိုးစားပါတော့တယ်။ သားအဖနှစ်ယောက် တောအုပ်ထဲကိုပဲ အဆင်ပြေပြေ ပြန်ရောက်သွားမလား ဘယ်လိုအခက်အခဲတွေရင်ဆိုင်ရမလဲဆိုတာ စိတ်ဝင်စားဖွယ်ကြည့်ရှုရမည့် ဇာတ်ကားကောင်းတစ်ကားပဲဖြစ်ပါတယ်။

It Happened One Nightဟာ အော်စကာရဲ့ အဓိကဆုငါးဆုကို ပထမဆုံးရခဲ့တဲ့ ရုပ်ရှင်ပါ။ Outstanding Production, Best Director, Best Actor , Best Actress နဲ့ Best Adaptation ဆုတို့ကို ရရှိခဲ့ပါတယ်။ အော်စကာသက်တမ်းမှာ ၁၉၇၅ မတိုင်ခင် အထိ အဓိကဇာတ်ကောင်၂ယောက်စလုံး ဆုရခဲ့တဲ့ နောက်ဆုံးကားလည်း ဖြစ်ခဲ့ပါတယ်။ ၄၁နှစ်ကြာ ဒီနေရာကို ထိန်းထားနိုင်ခဲ့တာပါပဲ။ It’s a Wonderful Lifeကို ရိုက်ခဲ့တဲ့ Frank Capraက ရိုက်ထားပြီး လေရူးသုန်သုန်မင်းသား Clark Gableနဲ့ ကလီယိုပါထရာမင်းသမီး Claudette Colbertတို့က အဓိကပါဝင်သရုပ်ဆောင်ထားပါတယ်။ အမေရိကန်ရုပ်ရှင်အစည်းအရုံးက ခေတ်အဆက်ဆက်စာရင်းလုပ်ခဲ့တဲ့ အကောင်းဆုံးရုပ်ရှင်တစ်ရာစာရင်းထဲလည်း ခဏခဏပါနေကျ ရုပ်ရှင်လည်းဟုတ်သလို တစ်ခေတ်တစ်ခါရဲ့ မာစတာပိစ်တစ်ကားလည်း ဟုတ်ပါတယ်။ ဒီရုပ်ရှင်ဟာ ကျွန်တော်တို့ ကြိုတင်မမြင်နိုင်ပါဘဲ အရှိန်နဲ့လာစိုက်တတ်တဲ့ ချစ်ခြင်းတွေအကြောင်းပါပဲ။

မင်းသားကြီး နီကိုလက်ကေ့ရဲ့ ရုပ်ရှင်အသစ်ပါ။ Suicide Squad ထဲက Rick Flag မင်းသား Joel Kinnaman နဲ့အတူ ပါဝင်ထားပါတယ်။ Action Thriller အမျိုးအစားဖြစ်ပြီး သို့လော သို့လောနဲ့ ကြည့်ရတဲ့ ကားမျိုးပါပဲ။ဒေးဗစ်ချိန်ဘာလိန်ဆိုတဲ့လူတစ်ယောက်ဟာ သူ့မိန်းမဆေးရုံမှာ ကလေးမွေးနေတာကို အမီသွားဖို့ ကားနဲ့ထွက်လာပါတယ်။ ဆေးရုံကိုအရောက်မှာပဲ ကားနောက်ခန်းထဲကို လူတစ်ယောက်ဝင်လာပြီး သေနတ်နဲ့ချိန်ထားပါတော့တယ်။ အဲဒီလူကပဲ သူ့ကို ဆေးရုံထဲကိုမဝင်ခိုင်းဘဲ ဘော့စတွန်အထိ မောင်းခိုင်းပါတော့တယ်။ လမ်းတလျှောက်မှာ ဒေးဗစ် လွတ်မြောက်ဖို့ကြိုးစားပေမဲ့ မအောင်မြင်ဘဲ လူတွေသာ တစ်ယောက်ပြီးတစ်ယောက် သေလာပါတော့တယ်။ သူတို့နှစ်ယောက် ကြောင်နဲ့ကြွက်လို လိုက်တမ်းပြေးတမ်း အသက်လုပြီးကစားရတဲ့ ရည်ရွယ်ချက်ကဘာလဲ… ရည်ရွယ်ချက်ရောရှိရဲ့လား… သူတို့အချင်းချင်းကရော ထင်ထားသလို ဟုတ်ကြရဲ့လား… ဆိုတာကတော့ပဟေဠိအနေနဲ့ ကြည့်ကြရပါလိမ့်မယ်။

မူလီ ဆိုတဲ့ကောင်လေးဟာ အဖေတစ်ခုသားတစ်ခုနေရတဲ့သူပါ။ ဒါပေမယ့် သိပ်ကောင်းတဲ့ အဖေတစ်ယောက် ရထားတာတော့မဟုတ်ဘူး။တစ်ရက်မှာ မူလီတစ်ယောက် သူ့အဖေဆီက ထွက်ပြေးပြီး လူအလစ်မှာ ရပ်ထားတဲ့ တက္ကစီတစ်စီးပေါ်တက်ပြီး မောင်းထွက်လာလိုက်တယ်။ကံဆိုးချင်တော့ အဲ့ တက္ကစီ ပေါ်မှာ ခရီးသည် မိန်းမကြီးတစ်ယောက်နဲ့ မွေးကင်းစကလေးငယ်လေးတစ်ယောက် ပါနေတာပါပဲ။ မူလီကလည်း သူ့အကြောင်းနဲ့သူ ကားပေါ်ပါလာတဲ့ ဂျွိုင်းဆိုတဲ့ မိန်းမကြီးနဲ့ ရင်သွေးငယ်လေးကလည်း သူတို့အကြောင်းနဲ့သူတို့ …အဲ့ character ၃ယောက် လမ်းခရီးမှာ ဘယ်လိုတွေ ဆက်ပြီးခရီးဆက်ရမလဲ?သီချင်းလေးတွေကလည်း country song လေးတွေဆိုတော့ country vibe လေးလည်းရ High way လမ်းတွေမှာ ကားပတ်မောင်းရတဲ့ ရသလေးပါရတော့ Joyride ဆိုတဲ့အတိုင်း Joy နဲ့ Mully တို့နဲ့အတူ တပျော်တပါး လိုက်စီးကြည့်ရအောင်။

In THE RACE, five creators compete against each other in a race. They have no money, no smartphone and are limited to the bare necessities for sleeping. The participants only find out exactly where they are going at the start. What doesn't change: Whoever makes it to the finish line first has won THE RACE!

David Choe hitchhikes his way across these United States by (other people's) trains, cars, and boats.