သော့ချက်စာလုံး Landkrimi

Crime ဇာတ်ကား အမျိုးအစားလေးပါ။ပဟေဋိဆန်ဆန် မှုခင်း ဇာတ်ကားတွေကို နှစ်သက်တဲ့ ရုပ်ရှင် ချစ်သူတို့အတွက်သင့်တော်တဲ့ ဇာတ်ကားလေး တစ်ကားပဲဖြစ်ပါတယ်။ ဇာတ်လမ်းအကျဉ်းကတော့ Immerstill မြို့ငယ် (ရွာ) လေးမှာ ရဲအရာရှိတွေ မြို့သူ မြို့သားတွေဟာ အမျိုးသမီးတွေကိုဆိုရင် အထင်သေးကြပြီး လူပျောက်တာကို ပေါ့ပျက်ပျက်သဘောထားပြီး မရှာဖွေကြဘူး။ ဒီလိုနဲ့ ကက်သီဆိုတဲ့ ကောင်မလေးက မားကုစ်ဆိုတဲ့ ကောင်လေးနဲ့ နယူးဇီလန်ကို ခိုးပြေးသွားတဲ့ပုံစံ စာပို့ပြီးပျောက်သွားကြတယ်။ ကက်သီရဲ့ သူငယ်ချင်းဖြစ်သူ မာရီနဲ့ နာတာလီတို့က ကက်သီက မားကုစ်နဲ့တူတူ ထွက်သွားတယ်ဆိုတာ ယုတ္တိမရှိကြောင်း လူကြီးတွေကို ရဲတွေကို ပြောပြပြီး ဘယ်သူမှ မယုံကြတဲ့အဆုံး သူတို့ဘာသာ လိုက်ရှာခဲ့ကြတယ်။ ဒီလိုနဲ့ တစ်နေ့ သူတို့ ၂ ယောက်ပါ ပျောက်သွားကြတယ်။ မာရီရဲ့အစ်မဖြစ်သူ လီဆာတစ်ယောက် Vienna မြို့ကနေ ချက်ချင်း Immerstill ကို ပြန်လာပြီးသူ့ညီမလေးနဲ့ နာတာလီကို ရှာပုံတော် ဖွင့်ခဲ့တယ်။ ဇာတ်လမ်းလေးက ပရိယာယ်တွေပါပြီးစိတ်ဝင်စားဖို့ကောင်းတာမလို့ ဘာဆက်ဖြစ်မလဲ အဆုံးထိ ကြည့်လိုက်ပါလို့ တိုက်တွန်းပါရစေ

ဒီဇာတ်ကားလေးက Crime အမျိုးအစားဖြစ်ပါတယ်။ ဇာတ်လမ်းအကျဉ်းကတော့ တောထဲက ရေကန်တစ်ကန်မှာ အမျိုးသမီးတစ်ယောက်ရေနစ်သေဆုံးတာကနေ အစပြုထားပါတယ်။ အလောင်းကို ခွဲစိတ်စစ်ဆေးကြည့်လိုက်တဲ့အခါသာမန်ရေနစ်သေဆုံးတာမျိုးမဟုတ်ပဲ လည်ပင်းညှစ်သတ်ပြီးမှ ရေကန်ထဲကိုပစ်ချခဲ့တာပါ။ အဲဒီတော့ အင်စပက်တာ ပေါ်လ်ဝါနာဟာ သေဆုံးသူနဲ့ပတ်သက်တာတွေကို လိုက်လံစုံစမ်းရင်း သေဆုံးသူဟာ ဒေါက်တာလန်နာရဲ့ရဲတိုက်မှာ အလုပ်လုပ်နေတဲ့ ဖန်နီလို့ခေါ်တဲ့ သူနာပြုတစ်ယောက်ဆိုတာကို သိလိုက်ရပါတယ်။ ဒီလိုနဲ့ ပေါ်လ်ဝါနာဟာ ဖန်နီရဲ့အမှုကိုလိုက်ရင်း လွန်ခဲ့တဲ့၁၂ နှစ်က ပျောက်ဆုံးသွားတဲ့မိုနာဆိုတဲ့ကောင်မလေးနဲ့သက်ဆိုင်နေတယ်ဆိုတာကိုသိလိုက်ရတဲ့အခါ တရားခံကိုအစစ်ကိုဖော်ထုတ်နိုင်ပါ့မလား။ လူသတ်ရတဲ့အကြောင်းအရင်းက ဘာတွေများဖြစ်နေမလဲဆိုတာကို စိတ်ဝင်တစားကြည့်ရှုခံစားရမယ့် မှုခင်းဇာတ်လမ်းလေးဖြစ်ပါတယ်။

ဒီဇာတ်ကားလေးကတော့ ဆန်ဒရာမိုဟာ ဆိုတဲ့ ရဲအရာရှိတစ်ယောက်သူရဲ့မွေးရပ်မြေမှာဖြစ်တဲ့ လူသတ်မှုတစ်ခုကြောင့် သူ့ရဲ့ အထက်အရာရှိ ဆာချာ ဘက်ဂ်မန်း နဲ့အတူ မွေးရပ်မြေကို ပြန်လာစုံစမ်းဖို့ဖြစ်လာတယ်သေဆုံးသူကလဲ လှပပြီး ဖော်ရွေတဲ့အမျိုးသမီးသတင်းထောက်ဖြစ်နေတော့ သံသယရှိသူတွေအများကြီးရှိနေတယ် စုံစမ်းစစ်ဆေးခြင်းက တစ်ဖြေးဖြေးပိုရှုပ်ထွေးလာပြီးတော့ သူ့မောင်ကပါ သံသယရှိသူထဲပါလာတဲ့အခါမှာတော့ နောက်ပိုင်း လူသတ်မှုကိုဘယ်လိုဆက်ပြီးဖော်ထုတ်ကြမလဲဆိုတာကိုဇာတ်ကားလေးကိုဆက်လက်ပြီးကြည့်ပေးကြပါဦးနော်