The Blair Witch Project

တောကြီးမျက်မည်းထဲမှာ မှတ်တမ်းရုပ်ရှင် သွားရိုက်ကူးကြတဲ့ လူငယ်လေးတစ်ယောက်အကြောင်းပေါ့။ သူတို့သုံးယောက်ဟာ မှတ်တမ်းရုပ်ရှင်အတွက် Black Hills ဆိုတဲ့တောကြီးထဲကို သွားကြရင်း ပျောက်ဆုံးသွားခဲ့ပြီး သူတို့ကျန်ခဲ့တဲ့ footage ကို ပြန်ပြသတဲ့ပုံစံနဲ့ ဇာတ်လမ်းကိုရိုက်ကူးထားပါတယ်။ ဟယ်သာ၊ မိုက်ကယ်လ် နဲ့ ဂျော့ရှ်တို့ဟာ မှတ်တမ်းရုပ်ရှင်တစ်ပုဒ် ဖန်တီးဖို့ ကြိုးစားနေကြတဲ့ လူငယ်လေးတစ်စုပါ။ ဒီတစ်ခေါက် သူတို့ဖန်တီးဖို့ကြိုးစားတဲ့အကြောင်းအရာ ကတော့ The Blair Witch ( ဘလဲရ်စုန်းမ ) အကြောင်းပါ။ မြို့ခံလူတွေအကြားလည်း ဟိုးလေးတကျော်ကျော်ပေါ့။ ယုံတမ်းလိုလိုဖြစ်နေတဲ့ ဒီစုန်းမအကြောင်းကို သူတို့က မှတ်တမ်းရုပ်ရှင် ဖန်တီးဖို့ကြိုးစားရင်း Black Hills တောကြီးထဲကို ဖြတ်သန်းတဲ့အခါမှာတော့ လူငယ်သုံးယောက်က တစ်စတစ်စနဲ့ ထိတ်လန့်စရာ တွေတွေ့ကြုံလာရပါတော့တယ်။ ဒီတော့ သူတို့ သုံးယောက် ဖန်တီးဖို့ကြိုးစားနေကြတဲ့ ဘလဲရ်စုန်းမ ဆိုတာဟာ တကယ်ရှိသလား မရှိသလား၊တောခြောက် တယ်တောလည်တယ်ဆိုတာဘာလဲ ဆိုတာ ဒီဇာတ်ကားထဲမှာ မျက်ဝါးထင်ထင် တွေ့ရှိရမှာမို့ ကြည့်ရှုလိုက်ကြပါဦး။